Fakültə müasir idarəetmə, biznesin təşkili və inkişafı sahəsində peşəkar kadrların hazırlanmasını təmin edir.
UNEC-in Elmi Şurasının 14.07.2016-cı il tarixli iclasının qərarının icrası təmin edilərək ləğv edilmiş Kommersiya, Biznes inzibatçılığı, İnformatika və idarəetmə (Menecment ixtisası) fakültələrinin bazasında 25.07.2016-cı il tarixində Biznes və menecment fakültəsi yaradılmışdır.
*
2024-cü ildə fakültəyə “Biznesin idarə edilməsi”, “Menecment”, “Marketinq”, “Beynəlxalq ticarət və logistika” ixtisasları üzrə 516 nəfər tələbə qəbul olunub, fakültədə bütün ixtisaslar üzrə keçid balları keçən illə müqayisədə yüksəlib. Fakültədə ən yüksək nəticə “Biznesin idarəedilməsi” ixtisası üzrə 609.6 bal olub. Hazırda fakültədə 2092 tələbə təhsil alır.
